?

Log in

 

Kong En Ge

About Апошнія запісы

22 Лют 2017 @ 12:56
Крызіс-крызісам, але спальваць масты радзімка не спяшаецца:
- замест скасавання рэпрэсіўна-фіскальных нормаў (пажарнікі, санітары, гандлёвая інспекцыя) уводзіцца ўсяго толькі мараторыі на адпаведныя праверкі з захаваннем "маніторынгаў" і магчымасці праверкі за перыяд пасля заканчэння адлігі;
- ойцішныя грошы па-ранейшаму можна завесці хіба што танна праз паватэшныя шарагі з асаблівасцямі далучэння да гэтага цырку, а вось пра спрашчэнне працэдуры з выключэннем тонкасцяў паўнаты падаткаабкладання для дробных паступленняў татальнае маўчанне.
Не, так сябе не паводзяць, калі грошаў не стае -- трэба ўсё ж пачакаць, калі прыцісне радзімку мацней.

Хвілінка высокіх тэхналогій у свеце фінансаў 15 Лют 2017 @ 13:29
Наша падатковая прыдбала сабе модную цацку -- тэрмінал электроннай чаргі. Падатковая месціцца ў будынку найбольш адэкватнай функцыянальнай архітэктуры -- перапрыстасаваным дзіцячым садку з бясконцымі калідорамі да кабінетаў. Тэрмінал з табло на ўваходзе, а кабінеты недзе ў нетрах. Калі твой нумар аб'яўляюць на выхад, ты павінен запомніць мэтавы кабінет і паскакаць па ўказальніках мінатаўравай хаты. Менавіта запомніць, бо на квітку пазначаецца толькі мэта наведвання, а не кабінет, дзе яе задаволяць.

У кабінеце табе даводзяць, што неабходна ў іншым кабінеце ўзяць даведку, і вярнуцца да іх без чаргі, бо ўсё роўна нікога няма. Тут мы маем яшчэ адзін крос да тэрмінала. А калі трапляем у кабінет, то сустракаем навіну: квіток толькі на кабінет, а тое, што ўнутры 5 інспектароў і патрэбны табе зараз заняты, сістэма не ўлічвае. Галоўнае тут не выказаць слабасць і не пакінуць кабінет, а дачакацца ўнутры, бо звонку ўжо ўтварыліся жывыя чэргі да асобных інспектароў.

Даведка ўзятая, і мы зноў скочам да тэрмінала, бо за ўсімі прыгодамі забыліся, дзе былі раней, а квіток без нумару і аднолькавыя дзверы без надпісаў. Нарэзаўшы яшчэ сотню метраў, трапляем у кабінет, суседні з тым, дзе былі раней. Там нарэшце падаем паперы і заўважаем, што ўсяго толькі за паўгадзіны ўправіліся ва ўмовах амаль поўнай адсутнасці наведвальнікаў.

Дарэчы, з гэтага году адпраўленне плацельшчыкамі падатковых патрэбаў стала платным -- бланкі для дэкларавання не выдаюць на месцы, а прадаюць.

14 Лют 2017 @ 10:21
Пасля старадаўняга перамёту аблічыцельнай журналісткі з нарволі ў саўбелку, пасля набыцця выкшталцонай лаўрэаціхай пакояў у эпіцэнтры безгустоўнасці, пасля пагаднення прынцыповых партыйцаў з выбарным месцам па прызначэнні... пасля ўсяго гэтага я не бачу асаблівых прычынаў здзіўляцца масаваму і такому рознастайнаму прысяганню на вернасць цыганскаму табару.
Шчыра кажучы, усе людзішкі -- лайно, але ці ж варта так зарана адмаўляцца ад цывілізаванасці?

Насустрач ведам 08 Лют 2017 @ 18:05
Азнаёміўся ў межах падрыхтоўкі да здачы дзяцей у адукацыю з сайцікам мясцовай школкі-гімназіі.
Ванітоўная ўстанова на першы погляд.

42 23 Стд 2017 @ 00:00
Ну, зараз-та ужо дакладна засталося меней, чым адбылося, калі абаперціся на статыстыку радавода.
Other entries
» Бярэм на танны понт
Характэрненькае: страшылка ёсць, але ніводнай спасылкі на нормы заканадаўства. Бо калі спаслацца, то там жа будзе і пра тое, што амаль нікога ўхапіць "на гарачым" немагчыма.
КГК отмечает рост штрафов за покупку акций нерезидентов без разрешения

» 2017 is coming!
За хвіліну да наступлення новага году хацелась бы развітацца з тымі, хто не дажыве да наступнага віншавання, а астатнім пакінуць матывацыйную паштоўку:

» (No Subject)

» (No Subject)
У краіне, поўнай паўузброенымі фармаваннямі праваслаўна-казачай тэматыкі, дзе аўтазакі выязджаюць на аперацыі супраць нацыянальнага руху з рашкаванскім трыкалорам на лабавіку, раптам прынялі рашэнне разгарнуць кампанію супраць пісак-ворагаў народу.
І масоўка ўжо зладжана падпявае: "Бо паглядзіце, да чаго гэта прывяло ў суседзяў!"
Тое, што зараз на вачах адбываецца легітымізацыя жорсткага пераследу разам і за "чумадан-вакзал-расія" з анекдотамі пра абрама з сарай, нікога нібыта і не турбуе. Забыліся на тое, як драпежнік, аднойчы пачаставаўшыся чалавечынай, пасля ніколі ўжо не адмовіцца ад дэлікатэсу. Узгадаюць, праўда, калі адціскаць маёмасць з жыццём стануць за тое, што пад гімн БССР а шостай раніцы не ўскочыў навыцяжку.
» (No Subject)
Вы тут ўсё пра Фідэля, а ў нас-та радзімка таксама да чагосці рыхтуецца ўзмоцнена: на Ўсходніх могілках за лета масава высеклі дрэвы на самай, што ні на ёсць урадавай дзялянцы за нумарам 18 (адмыслоўцы могуць параўнаць з дзялянкай 26, куда амаль кожная дробная ўрадавая жаба можа трапіць без асаблівых складанасцяў).
Чыноўны мор -- гэта заўсёды прагрэсіўна, а тут яшчэ і прагрэс мяркуецца цыклапічнага памера.
» "Людзі працуюць", недзяржаўны варыянт
Небуйная кантора функцыявала з 1992 па 2004 год (ліквідацыю скончылі 1 красавіка, калі што), а вось чарнавікоў з былых дакументаў і на сённяшні дзень яшчэ засталося дзве каробкі. Зараз карыстаюся падатковымі дэкларацыямі за 99 год.
І гэта пры тым, што нешта здавалася ў архіў (ну, там зусім фігня), а значная частка спалілася ў печцы на лецішчы амаль адразу, каб ніколі болей на не тыя вочы не патрапіць.
» (No Subject)
Я ўзгадваю ўсе сентэнцыі пра карысных дурняў, калі назіраю, як прадстаўнікі апошніх ухапіліся за дубіну роўнасці беларускай і расейскай моваў. Замест таго, каб рушыць да абавязку даць інфармацыю на мове тытульнай нацыі, закладваюць сваім "роўнапраўем" міну пад тых, хто б не жадаў расейшчыны ў сваёй дзейнасці ўвогуле.
» (No Subject)
Прынцып абмежаванай адказнасці ў гаспадарчай дзейнасці скончыўся ў БССР вясною 1999-га з прыняццем фантастычнага ў сваёй адмарожанасці рэгламенту рэгістрацыі і ліквідацыі суб'ектаў гаспадарання з дурнаватымі адносна ўзроўню даходаў памерамі статутных фондаў і непрыкметнай заўвагай пра субсідыярную адказнасць заснавальнікаў і дырэктарата (апроч адкрытых акцыянерных таварыстваў).
Пачатковая ідэя забяспечання наяўнасці поўнага статутнага фонду ў штогадовым балансе была паспяхова сабатаваная эканамічна актыўным насельніцтвам: "апошнія тэрміны" перарэгістрацыі падаўжаліся ўсе наступныя два гады з адначасовым зніжэннем мінімальных памераў статутных фондаў, а мярзотныя прадпрымальнікі ўсё не ішлі ў натарыят і рэгістрацыйныя аддзелы райадміністрацый. Прымусова ж ліквідаваць 60-70% суб'ектаў гаспарадарання ў радзімкі б вельмі хутка развязаўся пупок.
У выніку статутныя фонды сталі факультатыўнымі, дый і ўся рэгістрацыя ўваходу ў бізнэс звялася да прастаноўкі крыжыка ў анкеце, каб хоць неяк заманіць мух у пастку. Бо радзімка сяк-так, але датумкала, што каб накладаць эканамічныя санкцыі, трэба ж мець таго, на каго іх накласці.
Дык я да чаго гэта ўсё: сёння так крычаць пра судовую практыку 100% прызначэння субсідыярнай адказнасці, нібыта апошнія тры пяцігодкі з гакам усё было прапісана ў законе неяк інакш. Не было магчымым абмежаваць стратнасць бізнэсу зверху -- нефіг і пачынаць пад чырвоным сцягам!
» (No Subject)
Бягучая дэнамінацыя ў БССР нагадвае мне свежы рамонт дарогі пад вокнамі:
-- паклалі асфальт
-- наляпілі дохлага мянта па абодва бакі ад пераходу на палову шырыні вуліцы
-- пасля дажджу зрабілі ў адным з мянтоў прапіл шырынёй ў кола, каб лужына магла расцякацца па дарозе, а не ўтварала водасховішча
-- нанеслі разметку з выдзеленай паласой для павароту, асіметрычна падзяліўшы праездную частку; цяпер на паласе павароту мы сустракаем спачатку аднаго дохлага правымі коламі, а праз 10 метраў другога -- левымі
» (No Subject)
У Чарнаўцах вельмі канкурэнтная атмасфера на арэне цемрашальстваў: малы зайшоў у правасрамную царкву ў кепцы, дык адразу ж падляцеў мужык у сукенцы з гоманам: "шапку здымі, тут табе царква, а не сінагога".
» (No Subject)

Хронікі крызісу вымушаюць уласнікаў памяшканняў выкарыстоўваць самыя дзіўныя заманухі. Напэўна, думаюць, што папярэджанне пра наяўнасць цемрашальнага рассадніка больш значнае за тое, што вокны глядзяць строга на поўдзень, а кандыцыянеру няма :)
» (No Subject)
airbnb -- гэта гастраном, у той час як booking -- супермаркет
гэта ўсё, што трэба ведаць у плане зручнасці для карыстальніка
» (No Subject)
А ў нашым калгасе разгортваецца чарговы экшн з паліцы "два миро -- два шапиро".
Гэтым годам раптам падчас вывазу смецця папрасілі не выкідваць шкло з пластыкам. Ну, папрасілі і папрасілі -- колькі там таго шкла на лецішчы за сезон утвараецца, каб ламаць пра тое галаву.
А ўчора на агульным сходзе распавялі пра падводныя плыні. Аказалася, што шыза падзельнага збору смецця перад адпраўкаў на агульную сметніцу дакацілася і да лецішчаў. Шапіра ўжо зрабіў усе справаздачы ледзь не ў мінулым годзе, калі прыпякло, і зараз на месцах рыюць зямлю носам, каб адпавядаць; даводзяць планы да таварыстваў па ўсталёўцы трох кантэйнераў.
Савецкая ўлада, трэба заўважыць, тут і падавілася ўласнай сквапнасцю: па 4 соткі нарэзала, так што нават супрацьпажарныя нормы па размяшчэнні будынкаў былі адціснутыя ў бок. Зараз жа на прапановы пра пляцоўку пад кантэйнеры мае адказ у выглядзе санітарнай фігі: не бліжэй за 20 метраў да будынкаў: давайце зямлю, якой няма.
Але ж патрэбны і суцяшальны кампраміс: раз-другі на сезон будзе замаўляцца вываз адмысловага смецця, таму, каб усё выглядала належна, моцна прасілі рыхтаваць смецце да падзеі.
Дарэчы, са шкла прымаюць толькі бутэлькі-банкі, аконнае шкло ў залік не ідзе.
А дзе ж тут другі Шапіра, спытаецца чытач. А другі Шапіра быў старшыней таварыства гадоў 30 таму, шмат якога добраўпарадкавання прабіў, якім сёння карыстаюцца на зайздрасць суседзям.
» Вось такое, доктар, херовае лета

» Насустрач дэнамінацыі

» (No Subject)
Плынь бягучых падзей пакідае адчуванне дня адчыненых дзвярэй у вар'ятні:
-- пастаўскі ўпырхлік заўважае, што за 20 гадоў краіна стала толькі лепей і нават "адбудавалі Верхні горад" (пастаўскім, відаць, шмат не трэба, каб муляж за аднаўленне прыняць);
-- праграмісцішкі і набліжаныя гучна адзначаюць атрыманне медалю "10 год інавацый і вызвалення ад падаткаў";
-- у праносе перкуленым дагары рэстайленага сцягу БССР ганебным падаецца не нашэнне сцягу БССР, а тое, што яго перакулілі; і кантрапунктам так тэма, што з нацыянальным сцягам такое немагчыма -- ага, заход над дрыгвою -- гэта ж сцяг тых, хто мае розум і адсутнасць дэфектаў прасторавага мыслення.

У мяне на сёння ўсё.
» (No Subject)
Нарадзіцца, а не панаехаць у Мінск, было дасягненнем ужо больш за 40 гадоў таму, калі за гэта выдавалі медаль, каб неяк адрозніваць жыхароў ад ліміты, якую гаўляйтар Махераў цягнуў у горад у намаганнях прабіць будаўніцтва падземнага трамваю праз колькасць насельніцтва.
» (No Subject)
Вясна гэтым годам прыйшла неўзабаве пасля новага году, і ў галаву палезлі розныя, скажам так, думкі перайсці да прабежак раніцамі вакол нашага тэхнічнага вадаёма...
Божачка, дзякуй за снег, што ад дурніцы ўратаваў!
» (No Subject)
Наконт выкарыстання падатковай звестак з еўраёпту ў мэтах вызначэння расходаў правяраемых асобаў могуць мець месца розныя гіпотэзы і тлумачэнні, але я бачу той факт, што пад розныя заманухі сельпо зараз выдурвае з пакупнікоў пацверджанне ўстановачных звестак.
Нават рэкламную гульню замуцілі, у якую не пусцяць з карткай, па якой у іх няма персанальных звестак пра ўласніка. І вытрымку па пакупках таксама не даюць у анлайне. Хоць яшчэ з пяцігодку таму давалі, і звесткі з папяровай анкеты там былі.
А гэта што можа нам сказаць: што старую базу персанальных звестак выкарыстоўваць болей стала немагчыма (у нашым свеце IT-рашэнняў эканом-класы гэта не навіна), а радзімка тым не меней цісне ў жаданні падбіць памер шыкоўнага жыцця ў цэнтральнай сядзібе калгасу.
З якой нечаканай ананімнасцю ўсіх датычных і віншую.

P.S. Мытню нагадала, якая год таму спачатку выбрала дзіўную дату для ўліка паўторнага ўвозу асобных групаў тавараў (пасярэдзіне месяца), бо раней трэба было б карыстацца двумя базамі, а пазней -- кіраўніцтва вельмі ж ужо ціснула на арэхі. А пасля зрабіла намаганне над сабою і даравала тое, што ўлічыць належна па абяцаным аказалася амаль немагчымым за разумны кошт :)
» (No Subject)
Уважліва сачыце за зубамі: калі дзяржаўны рот пачынае раскрывацца абяцаннямі разумнага стаўлення да магчымага ўжывання дурнога закона, не забывайцеся, што наступнае, што гэта рот зробіць перад тым, як учапіцца ў ахвяру, гэта прамовіць dura lex sed lex.
» (No Subject)
Крыху да папулярнага пытання пра табурэткі: у травіленскім укропалісе з чвэрць другога паверха займала мэблевая крама. І што б вы сабе думалі: на яе месца прыйшла крама кніжная. Гандляваць кнігамі на літоўскай мове больш прывабна ў параўнанні з мэбляй, Карл!
Гэта на сёння ўсё, што трэба ведаць пра ўстойлівасць грамадства суседзяў.
» (No Subject)
Што бывае, калі класавы падыход у падборы складу мянтоўскіх фармаванняў пачынае формай дамінаваць над зместам, можна ўжывую назіраць зараз у паўднёвых суседзяў.

Аказалася, што мала аднаго толькі адмаўлення ад мінулых звычак і практык, трэба яшчэ і крыху пра прафесіяналізм дбаць. Бо колькі ж будзе так шчасціць, што самай складанай задачай патруля будзе перавесці старуху на другі бок вуліцы? З вялікім спазненнем, але жыццё ж такі паставіла пытанне на спалучэнні ўласнага самакaнтролю і навыкаў практычнага ўжывання зброі. Ну і ўсё, прыкаціліся хуценька да ненаўмыснага забойства сведкі здарэння, бо і нервы ні да чорту, і агнявая падрыхтоўка ў пераследзе не адпрацаваная.

І замест таго, каб зрабіць належны разбор палётаў ды адвесіць крыварукім мянтам прадугледжаных заканадаўствам люлей, крыклівая частка грамадства распачала кампанію "не дадзім крыўдзіць нашу новую паліцыю, яна ж з народам". Дык прыязджайце ў БССР, паглядзіце, як гэта выглядае ў маштабе краіны, калі менту трэба зусім ужо адмарозіцца ва ўчынку, каб панесці хоць якую адказнасць. А гатовых на спачуванні таксама хапае: адзін падчас пераследу з кіраваннем не зладзіў, упіліўся ў слуп -- дык адказнасць за крыварукасць таксама грамадскасць патрабавала павесіць на таго, за кім гналіся.

Тут можна яшчэ ўзгадаць, як адзін з "новых" мянтоў абураўся, што "год прайшоў, а нас усё не паважаюць". І не будуць, пакуль парушэнні будзеце выкрываць там дзе прасцей, а не там, дзе небяспечней.
» (No Subject)
У мяне для раварыстаў чарговыя дрэнныя навіны ў спалучэнні пунктаў 2.5, 2.18 і 172 ПДР :)
» (No Subject)
ЕЦБ плануе спыніць выпуск такіх зручных у абарачэнні 500-еўравых банкнотаў (зараз у іх абарачаецца каля траціны наяўных еўраў). З улікам таго, што наўрад ці будуць уводзіць абмежаванні на тэрміны абмену, а будуць вымаць натуральным чынам, ці не вырасце намінальная каштоўнасць носьбіта на шэрым рынку?
Можа, мае сэнс укласціся? :)
» (No Subject)
Вось яна ўся дзе, наша ЗВРачка, адзін у адзін як напрыканцы 2010 году:

Позвонил во все нормальные банки(Газпром, БПС, Белагропром) - все ячейки заняты(
В Белорусбанк нет желания обращаться как-то...
Может кто-нибудь в курсе где есть свободные ячейки!?

Дакладна ніхто ў сховішчах на сценах не бачыў інструктыўнага надпісу "Ўскрыць у выпадку дэфолта"?
» (No Subject)
Мінулым годам, каб пазбегнуць зімы, дастаткова было набыць і пакласці з машыну рыдлёўку для снега і зімовую амывайку.
Гэтым годам магія рыдлёўкі крыху пратэрмінавалася, і нават набыцце дадатковага артэфакта ў выглядзе новай снегавой шчоткі неяк бледнавала падчас тыдню паркоўкі ў сугробах.
Аднак... я ж новыя зімовы боты набыў: тут-та зіма за тыдзень і скончылася, ды так, што гэтым тыднем толькі і абмежавалася.
Непакоіць толькі неразуменне, што набываць у наступным сезоне?
» (No Subject)
Спрэчкам пра тое, што па мянтах на душу насельніцтва БССР на самой справе не на першым месцы ў свеце, бо "ў другіх краінах асобныя функцыі выконваюць не мянты", пакласці канец можна простым усведамленнем, што тым не меней тут гэта мянты з адпаведнымі паўнамоцтвамі, прысягай і коштам бюджэтнага ўтрымання. І паставіць тую ж "Ахову" пад дадатковыя задачы не перашкаджае амаль нішто.
Duck-test як ён ёсць.
» (No Subject)
Ёўраёпт вяртае аддзел гандлю ўпакоўкамі. 90-я ўсё бліжэй :)
» (No Subject)
На рэпарацыі тэрыторыямі за агрэсію апошняга стагоддзя павольна, але няўхільна рашка ўлятае. Дабрабыт паспяхова адкацілі да пачатку тысячагоддзя.
Дык я вось чаго мею непакой: яны ж зараз маўзалейнае чучала мяркуюць зарыць, каб хоць нешта значнае ў гісторыі пакінуць. Але ж з іхным шчасцем справа і тут можа скончыцца наступнай эксгумацыей і вяртаннем "як было".
» 41

» Неяк міма прайшло раней

» (No Subject)
Навіны с фронту лібералізацыі:
Усе ўдзельнікі акцый "я -- ІП" будуць уключаныя ў каардынацыйны план праверак на другое паўгоддзе бягучага году.
» (No Subject)
А ўсе вынуўшыя дэпазіты цягам апошніх трох месяцаў ўжо падрыхтаваліся да тэлефанаванняў з банкаў з патрабаваннем пакласці ўсё ўзад?
» (No Subject)
А вось за Хаўерам ўсё ж было лепей, бо дакладна было вядома, што ўсё гэтае гаўнішча праз два тыдні гарантавана ўжо патае, у той час як зараз наперадзе амаль два месяцы сярод гэтых сталагмітаў на парковачных месцах.
» (No Subject)
Сучасны афлайнавы сіквэл бессмяротнай гульні.
І не пытайцеся мяне, што ён павінен збіраць у каналізацыі!

Top of Page Распрацавана LiveJournal.com